GIPUZKOAKO BAZKUNDEA irabazi asmorik gabeko erakundea da, Gipuzkoako enpresen eta interes orokorren zerbitzura dagoena. ​Independientea da eta Gipuzkoako enpresa guztiak ordezkatzen ditu. Enpresen arrakasta eta Gipuzkoaren garapen ekonomikoa ditu xede. Enpresen beharrak betetzen ditu. Adituak dira besteak beste planifikazioan, estrategian, salmenta eta marketinean, nazioartekotzean, pertsonen kudeaketan, kudeaketa juridikoan eta fiskalean.  

HETEL Euskadiko gizarte ekimeneko lanbide heziketako 20 ikastetxe biltzen dituen elkartea da. Horiek Oinarrizko lanbide heziketa, Erdi mailako prestakuntza zikloak, Goi mailako prestakuntza zikloak eta Enplegurako prestakuntza eskaintzen dituzte, baita espezializatzeko programak ere.Elkarteko ikastetxeek protagonismo handia dute kokaturik dauden eskualdeetako garapen ekonomikoan, eta oso lotuta daude Euskadiko industria eta gizarte ehunari, baita hori osatzen duten erakundeei ere (enpresei, gizarte-eragileei, klusterrei eta erakundeei eta beste batzuei).