Iraurgi Berritzenen Enplegu Arloa eta Gipuzkoako Foru Aldundiaren babesarekin, eskualdean zaurgarritasun egoeran edo arriskuan aurkitzen diren langabetuei zuzenduriko "Urola Erdian ElkarEkinez UE3" proiektua garatzen ari da. Honen helburu nagusia zailtasun egoerak dituzten pertsona langabetuei gizarteratzeko eta laneratzeko ibilbide egokituak eta eraginkorrak eskaintzea da, horretarako eskualde mailako zerbitzuak integratuz.

Proiektu honen baitan, soldadurako ikastaroa martxan da Azkoitiko Izarraitz Lanbide Heziketa zentroan. Bertan, zaurgarritasun egoeran edo arriskuan dauden eskualdeko 10 pertsonak hartuko dute parte eta soldadurako ziurtagiri profesionala lortzeko aukera izango dute. Ikastaroa urriak 14tik otsailak 25 arte luzatuko da.

Hemen, aste honetara arte jaso ditugun eskualdeko lan, prestakuntza eta orientazio eskaintza guztiak: Eskualdeko enplegu eskaintza

Urolanprest- Urola Erdiko -Enplegu eta Prestakuntza eragileen elkarlan gunearen topagunea ospatu da urriak 6an, Azpeitian Basazabal Jauregian.

Egitasmo hau, Iraurgi Berritzenek eskualdean garatzen duen lankidetza gobernantza ereduaren testuinguruan kokatzen da.

Topagunean eskualde mailan enplegu eta prestakuntza eremuetan diharduten 9 eragile eta 6 udaletako ordezkariak hartu dute parte.

Topaguneak aukera eman du enplegu eremuko eragile publiko eta pribatuen artean, gai desberdinak partekatzeko: eskualdearen langabeziaren bilakaera, ezaugarriak eta egoera; gunean garatzen ari diren elkarlan proiektuen jarraipena (besteak beste Urolanprest web orria, UrolanEkin proiektua), eragileen zerbitzuen eskaintzaren aurkezpenak, eta aurrera begirako gunearen hurrengo pausoak.

Urriaren 14an eta 15ean, Gipuzkoako Ganberak PICE Feriak 2021, Zerbitzuak eta Industriak, egingo ditu, kontratatzeko beharra duten Gipuzkoako enpresen, lana bilatzen ari diren gazteen eta Gipuzkoako Ganberaren arteko topagunea izateko. PICE Feriak 2021ra bertaratzen diren pertsonek, hainbat lan-eskaintza ezagutzeaz gain, praktika-eskaintzak ezagutu ahal izango dituzte, Europar Batasuneko herrialderen batean esperientzia profesional bat bizi ahal izateko. 

Informazio gehiago

Hemen, aste honetara arte jaso ditugun eskualdeko lan, prestakuntza eta orientazio eskaintza guztiak: Eskualdeko enplegu eskaintza

Iraurgi Berritzenen Enplegu Arloa, estrategikoa den Ikaslan proiektua garatzen ari da eskualdean. Honen helburu nagusiak, enpresa eta eragile desberdinekin elkarlanean ikastaro beharrak identifikatu, perfil desberdinei egokituriko ikastaro berriak antolatu, (bai langabetuentzako baita landunentzako) eta prestakuntza eskaintza bateratua eta kaptazioa koordinatzea dira.

Hemen, aste honetara arte jaso ditugun eskualdeko lan, prestakuntza eta orientazio eskaintza guztiak: Eskualdeko enplegu eskaintza

Hemen, aste honetara arte jaso ditugun eskualdeko lan, prestakuntza eta orientazio eskaintza guztiak: Eskualdeko enplegu eskaintza

Prestakuntza buruan ideia edota proiekturen bat duen eta berau aztertzea nahi duen edonori zuzendurik dago. Bertan, ekintzaileak negozio bat irekitzerako garaian eman behar diren pausuak ezagutzeaz gain, enpresa kudeatzeko nozioak bereganatuko ditu.

Formakuntza irailaren 27an hastea aurreikusten da. Izen emateko edota informazio gehiagorako jarri harremanetan Iraurgi Berritzenekin telefonoz 688 601 299 (Ione Eizagirre) edota emailez Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

Ikastaroa LANZITUZ, LAN SOZIETATEAK SORTUZ programaren baitan dago eta langabetuen lan munduratzea sustatzea du xede, Lan Sozietateen eredua oinarritzat harturik eta ekintzailetasuna sustatuz. Ekimena, Europar Fondo Sozialak finantziatu du eta ASLEk (Euskadiko Lan Sozietateen elkartea) eta Iraurgi Berritzenek hartzen dute parte.